Pierwszy audiobook w całości po śląsku! Komedia kryminalna Marcina "Komisorz Hanusik", która w ciągu dwóch lat doczekała się czterech wydań drukowanych w końcu do posłuchania. Czyta Klaudiusz Kaufmann. Piyrwszy kryminał/horror/thriller ze elymyntoma fantasy we ślonskij godce. On je bardzij chytry niż Sherlock Holmes, On je bardzij wyzgerny niż James Bond, a wypić gorzoły poradzi wiyncy niż lompy u wos na placu. KOMISORZ HANUSIK "Prowda je kajś hań fort, daleko..."

Drugo tajla "Komisorza Hanusika" je fertich. Jak żeście czytali piyrszo tajla, to... terozki wszysko bydzie blank inakszyj. Akcja dzieje sie piynć lot niyskorzyj po "Srogij Chaji", o keryj żeście czytali w piyrszyj tajli. Ślonzoki majom zakozane osprawiać po ślonsku, "Czorne Ancugi" ino cichtujom na roztomajte stworoki. A Hanusik? Hanusik już niy robi za policaja... Wtynczos ftoś zabijo uwożanego śpiywoka. A komuś na wiyrchu fest sie rozchodzi o to, co by policaje niy wyerklerowali, fto go zabił.

III tajla opowiadanio Marcina Melona: "Komisorz Hanusik i Sznupok". Godajom o nim "ślonski Indiana Jones", chocioż blank na takigo niy wyglondo... Godajom o nim "Sznupok", bo żodyn niy poradzi wysznupać tego, co on... Richat Poliwoda, chop kerego lynko sie kożdy gizd na Ślonsku. Nowo ksionżka Marcina Melona "Komisorz Hanusik i Sznupok" już do lajstnyncio! Tera po naszymu i po polsku - dlo tych co by chcieli sie nauczyć (po naszymu..... abo po polsku ;-) )

Policaje prawie znodli starzika, kerego ftoś obwiesił w szranku u niego w doma. Do komisorza Achima Hanusika to je cosik wiyncyj jak ańfachowo zbrodnia. Bydzie musioł jeszcze roz trefić sie ze swoimi nojgorszymi spominkami: O downyj libście i chopie, kery jom zamordowoł. Eli inkszy gizd, na kerego godajom "Ryszawy Erwin", poradzi mu terozki pomoc? W tyn som czas w Mikołowie ftoś szczylo do policaja, a cołko sytuacja cosik Hanusikowi spomino... Jakby tego było mało, normalne ludzie miyniajom sie w mordyrzy skuli maszketnego psychoterapeuty. Bydzie sie dzioło.